Site view
Font size
Tadbirda universitet prorektori tarix fanlari doktori, professor M. Xaydarov ochib, barcha yig‘ilganlarni milliy bayramimiz bilan qutladi. Konstitutsiya, milliy davlatchiligimiz tarixini manbalar asosida ochib berdi.
Shundan so‘ng, universitet rektori M. Isoqov o‘z tabrigida ushbu sana munosabati bilan Davlatimiz rahbarining mamlakatimiz mustaqilligini mustahkamlash, uning iqtisodiy, siyosiy, ijtimoiy, ilmiy, ma’naviy salohiyatini yuksaltirish, mudofaa qudratini oshirish, davlatimiz sarhadlarining daxlsizligini ta’minlash, tinchlik va barqarorlikni, millatlararo do‘stlik va totuvlikni asrash, Yangi O‘zbekistonda demokratik islohotlarni chuqurlashtirish, inson huquqlari va erkinliklari, qadr-qimmati ulug‘lanadigan adolatli fuqarolik jamiyatini barpo etish, Asosiy Qonunimizning hayotimizdagi o‘rni va ahamiyatini keng targ‘ib qilish, yosh avlodni qonunga hurmat, Vatanga mehr va sadoqat ruhida tarbiyalash ishlariga munosib hissa qo‘shib kelayotgan barcha soha vakillari qatorida Davlat geologiya va mineral resurslar qo‘mitasi tizimidagi tashkilotlar Geologiya fanlari universiteti ilmiy tadqiqot institutlari xodimlarining mehnatlarini munosib baholab, «O‘zbekiston Konstitutsiyasining 30 yilligi» esdalik nishoni bilan taqdirlanganligini alohida ta’kidlab o‘tdi.
Bayram munosabati bilan fidokorona va samarali mehnat faoliyati bilan o‘rnak ko‘rsatgan bir guruh professor-o‘qituvchilar, ilmiy tadqiqot institutlarning ilmiy xodimlari, mehnat jamoasi universitetning faxriy yorlig‘i bilan taqdirlandi.
Tadbirga taklif etilgan mehmon adabiyotshunos olim Rahmon Qo‘chqor Temuriylar tarixi, mustaqillikka erishgan yillarimiz – Bayrog‘imiz, Gerbimiz, Madhiyamiz, Konstitutsiyamiz qabul qilingan yillar tarixini o‘zi guvoh bo‘lgan voqealar asosida so‘zlab berdi.
Konstitutsiya qabul qilingan kun munosabati bilan tashkil etilgan ushbu bayram barchaga birdek manzur bo‘ldi.
Last news
THE BOOK IS THE MOST LOYAL ASSOCIATE
GENERAL EDUCATIONAL SCHOOLS ORGANIZED A ROUND TABLE
ЭDUCATION AGAINST IGNORANCE - ROUND TABLE OF THE UNIVERSITY OF GEOLOGICAL SCIENCES
THE UNIVERSITY OF GEOLOGICAL SCIENCES ANNOUNCES ADMISSION FOR THE 2021/2022 ACADEMIC YEAR
ILMIY VА INNOVАTSION FАOLIYAT BO‘YICHА NAVBATDAGI YUTUQLARIMIZ
Recommends
“Gender tenglik qonuni” mavzusida xotin qizlarni tazyiq zoʻravonlikdan himoya qilish, Xotin-qizlar oʻrtasida tazyiq va zoʻravonlikka qarshi kurash, erta tugʻruq va ajrimning oldini olish boʻyicha davra suhbati oʻtkazildi.
