Sayt ko'rinishi
Shrift hajmi
Universitetim − mening faxrim
"...Moskva universiteti va Ural davlat konchilik universitetlari bilan 2+2 formati dasturlar shartnomasini imzolashga muvaffaq bo‘ldi."
Universitetim − mening faxrim
Insoniyat borki, turmush tarzi, oilaviy muhiti va o‘zining tabiiy zehniga qarab bolalikdan o‘zi qiziqqan narsalarga intiladi, yillar o‘tib ushbu hoxish to‘g‘ri yo‘naltirilsa o‘ylaymanki, shubhasiz kasbga aylanishi mumkin.
Meni ham hoxish istaklarim Geologiya fanlari universitetiga yetakladi. Maʼlumki yurtimiz yer osti va yer usti zaxira boyliklariga ega davlatlar qatorida yetakchi o‘rinlarda turadi.
Bizning universitetimiz esa yer osti boyliklari, suv zaxiralarini o‘rganish va qidirish, ularni qazib olishning zamonaviy texnologiyalarini o‘rgatadi. Geologiya fanlari universiteti tashkil topganiga hali ko‘p bo‘lmaganligi bois, universitet haqida ko‘proq maʼlumotlar bilmagan tengdoshlarimga shuni aytmoqchimanki, universitetimiz tashkil etilganiga ko‘p bo‘lmagan bo‘lsa ham juda katta imkoniyatlar va yutuqlarga erishib kelmoqda.
Geologiya fanlari universiteti 2020 yil 8 iyun kuni Prezidentimiz qaroriga binoan Geologiya va mineral resurslar qo‘mitasi tasarrufida tashkil etilgan. Biz universitetimizda rivojlangan davlatlarning geologiya sohasi universitetlari talabi darajasida, zamonaviy taʼlim standartlariga mos fan dasturlari asosida tahsil olamiz.
Oliy o‘quv yurtimizda eng tajribali professor-o‘qituvchilar, fan doktorlari biz yoshlarga taʼlim berishadi. Eng quvonarlisi, universitetimiz oz fursatlarda Lomonosov nomidagi Moskva universiteti va Ural davlat konchilik universitetlari bilan 2+2 formati dasturlar shartnomasini imzolashga muvaffaq bo‘ldi. Eng katta imkoniyatlardan yana biri, universitetimiz bitiruvchilari Geologiya va mineral resurslar qo‘mitasi tarkibidagi ilmiy tadqiqot institutlari, ishlab chiqarish korxonalarida ish bilan taʼminlanishi ko‘zda tutilgan. Bu esa yoshlarni o‘z sohalari bo‘yicha ishlash imkoniyatini yana-da oshiradi. Universitetimizda talabalarni bo‘sh vaqtlaridan mazmunli foydalanish maqsadida turli maʼnaviy-maʼrifiy tadbirlar, qiziqarli tanlovlar o‘tkazib kelinmoqda. Biz– Geologiya fanlari universiteti iqtidorli talabalari o‘z ijodiy ishlarimiz bilan qatnashib, faxrli o‘rinlarni olmoqdamiz.
Uchinchi renessans islohotlarida Geologiya sohasining ham sezilarli o‘rni mavjud. 2020 yilda Prezidentimizning Oliy majlisga murojaatnomasida Geologiya fanlari universiteti haqidagi fikrlari buning yaqqol isbotidir. Men bu universitet talabasi ekanligimdan juda faxrlanaman va bundan mamnunman. Universitetim mening faxrim hisoblanadi.
O‘zbekistonda geologiya sohasi rivojlanishiga albatta olgan bilimlarimga tayanib o‘z hissamni qo‘shaman, degan umiddaman.
Diyora Ziyavitdinova
"Gidrogeologiya va muhandislik
geologiyasi" yo‘nalishi 2-kurs talabasi
So'ngi yangiliklar
KITOB – ENG SODIQ XAMROH
UMUMTA'LIM MAKTABLARIDA DAVRA SUHBATI TASHKIL ETILDI
JAHOLATGA QARSHI MA’RIFAT - GEOLOGIYA FANLARI UNIVERSITETINING DAVRA SUHBATI
Молиявий саводхонлик бўйича олимпиада саралаш босқичи
GEOLOGIYA FANLARI UNIVERSITETI 2021-2022 O‘QUV YILI UCHUN QABUL E’LON QILADI
ILMIY VА INNOVАTSION FАOLIYAT BO‘YICHА NAVBATDAGI YUTUQLARIMIZ
Tavsiya etamiz
Геология фандари университетида 2022 йил 23 сентябрь куни Талабалар турар жойининг ташаббускор ёшларидан ташкил топган ТТЖ кенгаши раиси ва аъзолари ҳамда қават сардорлари иштирокида давра суҳбати ташкил этилди.
"Maʼlumki, Prezidentimizning muzeylar faoliyatini takomillashtirishga doir bir qator qaror va farmonlari bugungi kunda yurtimizdagi madaniy meros obyektlari faoliyatini yana-da takomillashtirishga huquqiy asos bo‘lmoqda."
Geologiya fanlari universiteti "GIDROINGEO instituti" DM "Meliorativ gidrogeologiya va yer osti suvlari menejmenti” laboratoriyasi mutaxassislari 465-sonli "O'zbekiston Respublikasi raqamli gidrogeologik xaritasini yaratish" loyihasi doirasida 1:200 000 miqyosdagi raqamli gidrogeologik yer osti suvlari xaritalarini yaratish hamda Respublika bo'yicha tayanch gidrogeologik ma'lumotlar bazasini tuzish bo'yicha ilmiy tadqiqot ishlarini olib bormoqdalar.
Bolajonlar uchun yangi yil sovg‘alari tarqatildi
